Khizaw molei zohna
- Type :
- KRIZYHPA HRO
- Filter :
- Chhihthana nata pabohsana
- Song Number :
- 123
- Key :
- Doh is A.
- Author :
- L.C.Chasai(L.C)
- Created At :
- 6/24/2026, 3:04:23 PM
- Contributor :
- Thotuh
- Book Name :
- Hlabu Chypa
- Organization :
- Mara Evangelical Church
[ Verse 1. ]
Khizaw molei zohna meihdo ru ngaita hry lia,
Beipa kho viapa khapa e a châ, pachâ leita nohto charei tyh pita;
Mo to eima khozie hawh chyu ta phana tlua pata,
Mietahku leidiapa hawh viavi chyu pi.
[ Chorus ]
''Hy chyhsapa phapa cha a cha pamosa haw,
Abeipata a châ hnawpa cha khâpa e a châ ?
Ado ngaita pata taopa nata, ngiachhiena pasôpa nata,
Na Khazohpa nata reisi ngaita pata hmaokhata
Chareipa he châ vei ma''?
[ Verse 2. ]
Hlâno Izarei zy Beipa reingiah leina vâ,
Kô hluhpi sei châna lia riethei pasa tao pata,
Amâ tâhpa hawhna khata ngiapâtuhpazy chhao he;
Beipa kho lei zie hawhta eima hro vâ,
Tha zei ta panao tyh pi.
[ Chorus ]
''Hy chyhsapa phapa cha a cha pamosa haw,
Abeipata a châ hnawpa cha khâpa e a châ ?
Ado ngaita pata taopa nata, ngiachhiena pasôpa nata,
Na Khazohpa nata reisi ngaita pata hmaokhata
Chareipa he châ vei ma''?
[ Verse 3. ]
Kyhpachâtuh Khazoh sawchapawpa Bei Zisu,
Nawh pata lei lia vaw pih chhiesana Kraws lia a thi;
Molei tawh miah chatlai haw
Ahy rai ngiapâ pamaih,Beijpa Zisu ngiachhiena zawhzi ta,
Chhâzaw hrona ama hnei aw.
[ Chorus ]
''Hy chyhsapa phapa cha a cha pamosa haw,
Abeipata a châ hnawpa cha khâpa e a châ ?
Ado ngaita pata taopa nata, ngiachhiena pasôpa nata,
Na Khazohpa nata reisi ngaita pata hmaokhata
Chareipa he châ vei ma''?
[ Verse 4. ]
Krista ngiachhiena vâ chhâzaw hrona hneipa zy,
Beipa kho viapa khâpa e a châ, pachâ suh u;
Hrozie lia alâ mawh sy, mo to keimo khozie hawh,
Phana tlua khao leipa ta,
Beipa khozie hawhta hro he hmâh su vy.
[ Chorus ]
''Hy chyhsapa phapa cha a cha pamosa haw,
Abeipata a châ hnawpa cha khâpa e a châ ?
Ado ngaita pata taopa nata, ngiachhiena pasôpa nata,
Na Khazohpa nata reisi ngaita pata hmaokhata
Chareipa he châ vei ma''?
123