Pachâ tua! Zawna na balyhh chô liata kiahpa ta,

Tâsi lâ sie pa balyh mâ chhao cheih ta;

Thlihpipa ch avaw y ta, chysazythlazoh ei ta,

Cha hrytta Zawna cha amàpa ta y.

Balyh cha rao daihmâ ta, chichhihna liata y ei,

Zawna hnohta, "Thlahchhâ teh" tahta chho ei;

Khazohpa hiehâhna a pahnopa vâta chi ta,

Hiehâhna tawh a râ' pa a ru kaw dia!.

Zawna, Hebrai chyhsa ta, "Khazohpa tawhta ei râ,

Beipa tilaipi leilô taotuhpa ta;

Keima moleina vâta thlihpipa cha pathlisa,

A ku liata hmo to a ypa vâta."

Chyhsazy pachao ei ta, Zawna chôta bie tlu ta,

" Aboh nawpa ei bie ngiah muh vy," a tah;

Zawna cha bie reih heih ta " Ti liata na thy u la,

Thlihpipa hry ta namâ boh aw, " a tah.

Chavâta, thlihpipa hryta ti lia thy ha ei ta,

Beipa ta ngalaipa tuah, palâ pa ta;

Chyhsa ta pahneisao ei, he thâtih theipa maih ta,

Ngiapâna chôta he hla he sa teh u.

Nga py chhôh liata a y, ngiaryhna hnei leipa ta,

Noh thôh nah zâ thôh nôpopa ta a y;

He thâtih he my lei ta, Khazohpa tawh pavia kha,

Hiehâhpa ta arâ'pa ru kaw dia!