Dona lâthloh a chhih suh vy
[ Verse 1. ]
Hlâno mah-nô mahpawzy laihna daihti,
Lôhki ta chareina su y vei;
Chi nah ngiarohpa ta noh- ly chhi ki,
Hraiki leita lyubo raisah vaw sa ei.
[ Chorus ]
Atahmâ lypa ta rahao ei si,
Chô Khazoh zawzi lyna khih vaw dei haw;
Zoh-na moleina hmozy siesaipa ta,
Eima rah cha pha nawpa hria chyu suh vy.
[ Verse 2. ]
Hlâno lôh maoh hahzona avaw pai hai,
Adona, lathlô achhih syh vy;
Khazie chyu ta eima paipatla khiah,
Lôhraohleina leidiana thaby a châ.
[ Chorus ]
Atahmâ lypa ta rahao ei si,
Chô Khazoh zawzi lyna khih vaw dei haw;
Zoh-na moleina hmozy siesaipa ta,
Eima rah cha pha nawpa hria chyu suh vy.
[ Verse 3. ]
Ei Mara râh a chhituhpa zydua,
Mawsi nah Zawsua hawh châ thei sa;
Âmo châ ei châ leipa ta râh châ,
Apie khai ei se, râh byhnâ zie hawhta.
[ Chorus ]
Atahmâ lypa ta rahao ei si,
Chô Khazoh zawzi lyna khih vaw dei haw;
Zoh-na moleina hmozy siesaipa ta,
Eima rah cha pha nawpa hria chyu suh vy.
[ Verse 4. ]
Eima râh byhnâ hmâh thai a chhuah chyu si,
Nôh nah daihti a loh hai no he;
Khohleikho, aohrao, karâ-hneina dei,
Hmo to paraotuhpa thabypa a châ.
[ Chorus ]
Atahmâ lypa ta rahao ei si,
Chô Khazoh zawzi lyna khih vaw dei haw;
Zoh-na moleina hmozy siesaipa ta,
Eima rah cha pha nawpa hria chyu suh vy.
55