Eima râh aboh lymâ mawh sy
[ Verse 1. ]
Chi to, Pho to laihna Mara râh,
Thlah-lei mo luh cheitho laihna su;
Riahlô, bâhlô, dawh, paotla chhao,
Kheih ei ngâhpi thyu ngâhpa zy.
[ Chorus ]
Mara sawzy lyta awh ei s'u,
Nopi ti hawh hâpa;
Eima châ daihti pha vaw tlô haw,
Eima râh aboh lymâ mawh sy.
[ Verse 2. ]
Mara hrozie palâsatuhpa,
Chylao, Dua-â Chyhna poh, Kaohrei;
Paotlâ, Viahdawh, Dawhkhoh, Vyhphao chhao,
Chy atobi Sawhlâkia ta.
[ Chorus ]
Mara sawzy lyta awh ei s'u,
Nopi ti hawh hâpa;
Eima châ daihti pha vaw tlô haw,
Eima râh aboh lymâ mawh sy.
[ Verse 3. ]
Eima râh thaina, sona pôh ta,
Hmâh thei vei ei Mara thyutlia zy;
Chi hro, pho hro Khôpheih kiah-lâh ta,
Nawhly a reih chei thai khao vei.
[ Chorus ]
Mara sawzy lyta awh ei s'u,
Nopi ti hawh hâpa;
Eima châ daihti pha vaw tlô haw,
Eima râh aboh lymâ mawh sy.
[ Verse 4. ]
Viahpa, Kaohpa tlaichhai va hlâ ma,
Ei chi heih Mara Sirua zuahnô;
Nâ dei ei châ tly nawhnai kei châ,
Nâ ngia pachai Mara paw nô.
[ Chorus ]
Mara sawzy lyta awh ei s'u,
Nopi ti hawh hâpa;
Eima châ daihti pha vaw tlô haw,
Eima râh aboh lymâ mawh sy.
[ Verse 5. ]
Nawh khao beih aw vei , ei reih cheina,
Chi hro, pho hrozy mohnao hr'eisa;
Sôh rili aw eima râh liata,
Eima râ aduah lymâ se.
[ Chorus ]
Mara sawzy lyta awh ei s'u,
Nopi ti hawh hâpa;
Eima châ daihti pha vaw tlô haw,
Eima râh aboh lymâ mawh sy.
27