Hlychhy-Hly âh
[ Verse 1. ]
Hiahva sâhmia pati lei hlihchhy hlyh-âh,
Amâ nyuna Kahrie tlâhpi;
Vyhhai lâna tipi para lô,
Khôphei ziana sapôh âlâ thei vei.
[ Chorus ]
Cha hawh vati hria pasa zie,
Pawti zyhna Opi vaw chhôh;
Thlôhchhô nôpaw riahvaihna chhôh lia,
Apahru ta lôhhia hrei ei.
[ Verse 2. ]
Hlihchhy totie a ziah a lôhdunô cha,
Kahrie awhsi vâta cheih-no;
Vaw châ mawh la ngiah no Hly-âh cha,
A pawmaih hlyna sôhraoh hnei tlô va.
[ Chorus ]
Cha hawh vati hria pasa zie,
Pawti zyhna Opi vaw chhôh;
Thlôhchhô nôpaw riahvaihna chhôh lia,
Apahru ta lôhhia hrei ei.
[ Verse 3. ]
A pathli a luahna Khô Kihthlao khydi,
Nohchhôh ta va pangai Hly-âh;
Rala thozô a hli haw Hlychhy.
Hly-âh nôpaw hna hi ta vâsâh tao.
[ Chorus ]
Cha hawh vati hria pasa zie,
Pawti zyhna Opi vaw chhôh;
Thlôhchhô nôpaw riahvaihna chhôh lia,
Apahru ta lôhhia hrei ei.
[ Verse 4. ]
Hazoh vaw chhi mokuh ramâ khaih thei vei,
A pangai chhei Hlôhlô maoh nô;
Vyhhai-lâ lâh chheipâ khihdei chy,
Hmiahi pata Opivaw lâ â sy.
[ Chorus ]
Cha hawh vati hria pasa zie,
Pawti zyhna Opi vaw chhôh;
Thlôhchhô nôpaw riahvaihna chhôh lia,
Apahru ta lôhhia hrei ei.
49