Laihna râh
[ Verse 1. ]
Hy eima râh hlâno manôh mahpawzy laihna râh,
Vâpiahti pasohpa lona râh he;
Hlâno mahnô mahpawzy ta khôsai khai hr'ei sala,
Thyutlia sawzy ta cheihchalo lymâ ei si.
[ Chorus ]
Hy â ngia rili laihna râh he,
Sona tipasoh loh via lymâ aw;
Hrozie pathaih, riahpha,
Tiamana pawngia pawh via se,
Lôh-raohpa ta laih chyu ei si, Mar râh lia.
[ Verse 2. ]
Hy Mara râh, lo mâh kha y, thyutliasawzy châta,
Tlaichhai nâ chhih, pawngia ta pawh via la;
Hmipha, sâ seih thatlô, riahphapa-zy pathla via la,
Thapha lypa ta laihzaolao pi na chhôh lia.
[ Chorus ]
Hy â ngia rili laihna râh he,
Sona tipasoh loh via lymâ aw;
Hrozie pathaih, riahpha,
Tiamana pawngia pawh via se,
Lôh-raohpa ta laih chyu ei si, Mar râh lia.
[ Verse 3. ]
Thosôh sopavaw nô nah Sarâhnô to heta,
Na pawti zyhpa ta noh cha tao ei;
Nochhi, notla, Beinô ta meisaku hawh cha chadô,
Laihna pihvaw phapazy via pi na chhôh lia.
[ Chorus ]
Hy â ngia rili laihna râh he,
Sona tipasoh loh via lymâ aw;
Hrozie pathaih, riahpha,
Tiamana pawngia pawh via se,
Lôh-raohpa ta laih chyu ei si, Mar râh lia.
[ Verse 4. ]
Hy! Mara râh, thyutliasawzy châta pawh rili la,
Nohly na pawti zyh lôh eih chhih vei;
Mara sawzy châta khiahlôh vahna tlôkhei via la,
Taotuh Chô Khazoh hmia pasah lymâpa ta.
[ Chorus ]
Hy â ngia rili laihna râh he,
Sona tipasoh loh via lymâ aw;
Hrozie pathaih, riahpha,
Tiamana pawngia pawh via se,
Lôh-raohpa ta laih chyu ei si, Mar râh lia.
58