Laihri tlona Maraland
[ Verse 1. ]
Mara sawzy laina su ei pihna râhpha,
Ti pasohpa lona râh pawngia pakaina;
Amaih dinô dawheih Riahpaw veiseihpazy,
Reih hâ tlana lôhri ki ta laihzaolaona.
[ Chorus ]
Liahri tlona Maraland du apaoh a ngia chaipa,
Na chhôh lai Chi to reih to zy syh pakhy ei,
Cha-aw chalai paw pakai lyna khih deih hai,
Bâlia hie zaolao pata laih khoh ei suh vy.
[ Verse 2. ]
Mara sawzy laina su râh khochhihpa he,
Hiahv, riah chahnaona râh, khota ryureina;
Sasyh a tivyna râh, tiama a dona,
Pathaina, hiapha, ngâchhihpazy chareina.
[ Chorus ]
Liahri tlona Maraland du apaoh a ngia chaipa,
Na chhôh lai Chi to reih to zy syh pakhy ei,
Cha-aw chalai paw pakai lyna khih deih hai,
Bâlia hie zaolao pata laih khoh ei suh vy.
[ Verse 3. ]
Mara sawzy laina su râh rônahpa he,
Tlâhpi nah Tipo mohpathâhpa yna su;
So pavaw nah Sato zy tliahna tlyliah pha,
Vahpi nah thosôh padia, meihthâh a zawhna.
[ Chorus ]
Liahri tlona Maraland du apaoh a ngia chaipa,
Na chhôh lai Chi to reih to zy syh pakhy ei,
Cha-aw chalai paw pakai lyna khih deih hai,
Bâlia hie zaolao pata laih khoh ei suh vy.
[ Verse 4. ]
Liah-ri tlona Maraland he Marapa eih,
Achhôh liata pahrâpa chito photo zy;
Pasô ta, pabohsa ta, paly awpa ta,
Azipa Mara Thyutliapa zy maoh a châ.
[ Chorus ]
Liahri tlona Maraland du apaoh a ngia chaipa,
Na chhôh lai Chi to reih to zy syh pakhy ei,
Cha-aw chalai paw pakai lyna khih deih hai,
Bâlia hie zaolao pata laih khoh ei suh vy.
21